Allgemeng Verkafskonditiounen

Gëltegkeetsberäich

Dës Konditioune gëllen fir all Bestellung déi bei eis opginn gëtt, egal ob vun engem Betrib oder engem Verbraucher. Si ergänzen déi ugeholl Offert, déi bei Ofwäichungen zu Präis, Quantitéit oder Frist virgeet.

Offert a Bestellung

Op dëser Websäit ginn keng Präisser publizéiert: all Präis ergëtt sech aus enger schrëftlecher Offert op Basis vun Ärer Datei an Äre Moossen. D’Bestellung ass mat der schrëftlecher Unnam vun der Offert verbindlech. D’Gëltegkeetsdauer steet op der Offert selwer.

Dateien an Drockfreigab

Dir bleift fir den iwwerdroenen Inhalt verantwortlech: Orthographie, Notzungsrechter un de Biller, Richtegkeet vun de Moossen. Mir kontrolléieren d’technesch Machbarkeet vun der Datei a schécken Iech eng Drockfreigab. D’Produktioun start eréischt no Ärer schrëftlecher Freigab, déi den Inhalt vun der Bestellung festleet.

Präisser a TVA

D’Präisser verstinn sech netto; et gëllt de Sazt deen zum Rechnungsdatum zu Lëtzebuerg applicabel ass. Fir Geschäftscliente aus engem anere Memberstaat mat enger gëlteger TVA-Nummer gëllt d’Reverse-Charge-Verfahren.

Fristen

Ugekënnegt Fristen lafen ab der Drockfreigab, net ab der Bestellung. Si gëllen an Aarbechtsdeeg a verstinn sech ouni Transport. Eng Produktiounsfrist gëtt nëmmen dann vertraglech wa se an der Offert ausdrécklech als sou bezeechent ass.

Widderrufsrecht a säin Ausschloss

Fir e Verbraucher besteet bei enger Distanzbestellung grondsätzlech e véierzéngdeegegt Widderrufsrecht. Dat gëllt net fir Wueren déi no Äre Virgaben ugefertegt oder däitlech personaliséiert sinn: e Panneau an Äre Moossen, e Fändel an Äre Faarwen oder Buschtawen déi op Äre Logo geschnidde sinn, falen ënner dësen Ausschloss a ginn no dem Produktiounsstart weder zréckgeholl nach getosch. En net personaliséierten Lagerartikel behält dogéint dat véierzéngdeegegt Recht. Mir weisen op dësen Ausschloss bei der Bestellbestätegung hin, an Dir musst en ausdrécklech bestätegen.

Ofnam a Reklamatiounen

Kontrolléiert d’Wuer bei der Liwwerung. Reklamatioune wéinst offensichtleche Mängel, Quantitéitsofwäichungen oder Netiwwereenstëmmung musse bannent aacht Deeg nom Empfang schrëftlech a mat Fotoen bei eis ukommen. Eng Faarwentoleranz ass dem Drock eegen: eng liicht faarweg Ofwäichung géintiwwer engem Ecran ass kee Mangel.

Bezuelung

Ausser et gouf schrëftlech anescht vereinbart, si Bestellungen no de Modalitéiten déi op der Offert stinn ze bezuelen. Bei enger éischter Bestellung kann virum Produktiounsstart eng Untzuelung verlaangt ginn. Ëffentlech Optraggeber gi no de Modalitéite facturéiert déi mat der betreffender Verwaltung vereinbart goufen.

Uwendbart Recht

Et gëllt Lëtzebuerger Recht. Bei engem Sträit mat engem Verbraucher bleiwen d’Schutzvirschrëfte vu sengem Wunnsëtzstaat applicabel, souwäit se méi günstig sinn.